Welkom by Eduplex
Eduplex is ‘n inklusiewe parallelmedium (Engels en Afrikaans) hoofstroomskool, wat voorsiening maak vir beide normaalhorende, sowel as ‘n klein aantal leerlinge met ‘n gehoorverlies. Dit is ‘n plek waar ons waardes bevestig, jong denke verryk en drome aan die gang sit. Ons sien daarna uit om u in ons familie welkom te heet.
- Ons klasse maak voorsiening vir ‘n optimum van 25 leerlinge.
- Al ons leerlinge is deel van ‘n holistiese kurrikulum wat tred hou met die nuutste opvoedkundige praktyke, inligting en tegnologie, wat die ontwikkeling van vaardighede, kreatiwiteit en toepassing van verworwe kennis bevorder.
- Leerlinge met ‘n gehoorverlies word saam met normaalhorende leerlinge onderrig, met ‘n verhouding van een leerling met ‘n gehoorverlies vir elke vyf normaalhorende leerlinge.
- Ons plaas baie klem op die ontwikkeling van goeie luistervaardighede. Dit gee ALLE leerlinge die geleentheid om nie net te luister nie, maar ook idees te verwoord in ‘n omgewing waar ander na hulle sal luister.
- Ons verstaan die konsep dat alle individue nie op dieselfde manier leer nie en dat elke leerling hul eie unieke potensiaal kan bereik deur middel van ‘n multi-vlak onderrigprogram.
- Eduplex is ‘n Christelike skool met ‘n Bybelse wêreldbeskouing.
